స్టార్ డైరెక్టర్ ప్రశాంత్ నీల్ సమర్పణలో వస్తున్న హారర్ థ్రిల్లర్ మూవీ '418-ది నైట్‌మేర్ బిగిన్స్' ట్రైలర్‌ను చిత్ర బృందం తాజాగా విడుదల చేసింది. ఈ ట్రైలర్ ప్రేక్షకులను భయపెట్టే విధంగా ఉంది.
కీర్తన్ నడగౌడ ఈ సినిమాకు దర్శకత్వం వహించారు. మైత్రీ మూవీ మేకర్స్‌ పతాకంపై నవీన్‌ ఎర్నేని, వై.రవిశంకర్‌ ఈ చిత్రాన్ని నిర్మించారు.
ట్రైలర్‌లో 'నేను కచ్చితంగా తల్లినై తీరాలి..' అనే డైలాగ్ సినిమా కథాంశంపై ఉత్సుకతను పెంచుతోంది. హారర్ అంశాలు, థ్రిల్లింగ్ సన్నివేశాలు ఇందులో ఉన్నాయి.
ఈ సినిమా అక్టోబరు 23న ప్రేక్షకుల ముందుకు రానుంది. విడుదల తేదీ దగ్గర పడుతుండటంతో ప్రమోషన్ కార్యక్రమాలను చిత్ర బృందం వేగవంతం చేసింది.
