అమెరికా తెలుగు సంఘం (ఆటా) ఇండియన్ ఇన్‌స్టిట్యూట్ ఆఫ్ టెక్నాలజీ హైదరాబాద్ (ఐఐటీహెచ్)తో భాగస్వామ్యం కుదుర్చుకున్నట్లు ప్రకటించింది. దేశంలోని ప్రతిష్టాత్మక విద్యాసంస్థలలో ఐఐటీహెచ్ ఒకటి.
జాతీయ సంస్థాగత ర్యాంకింగ్ ఫ్రేమ్‌వర్క్ (ఎన్‌ఐఆర్‌ఎఫ్)లో ఇంజనీరింగ్ విభాగంలో ఏడవ ర్యాంకు, ఆవిష్కరణలలో ఆరవ ర్యాంకు సాధించిన ఐఐటీ హైదరాబాద్‌తో కలిసి పనిచేయడం పట్ల ఆటా సంతోషం వ్యక్తం చేసింది.
ఈ ఒప్పందం ద్వారా విద్యార్థుల మార్పిడి కార్యక్రమాలు అమలు అవుతాయి. అమెరికా విద్యార్థులు ఐఐటీ హైదరాబాద్‌లో వేసవి తరగతులు, సెమిస్టర్ కోర్సులు లేదా స్వల్పకాలిక కోర్సులలో చేరవచ్చు.
ఐఐటీహెచ్ అందించే ఇంజనీరింగ్, కంప్యూటర్ సైన్స్, ఆర్టిఫిషియల్ ఇంటెలిజెన్స్, సెమీకండక్టర్ ప్రోగ్రాములలో ఈ కోర్సులు అందుబాటులో ఉంటాయి.
ఒకటిన్నర లక్షల చదరపు అడుగుల విస్తీర్ణంలో ఉన్న టెక్నాలజీ ఇన్నోవేషన్ పార్కులో పరిశోధన ప్రాజెక్టులు కూడా చేపడతారు. ఈ భాగస్వామ్యం విద్యా, పరిశోధన రంగాలలో పురోగతికి దోహదపడుతుంది.
