సుల్తానాబాద్‌లో గత పది రోజులుగా జరిగిన ప్రీమియర్ లీగ్–2 క్రికెట్ టోర్నమెంట్ సోమవారం ఫైనల్ మ్యాచ్‌తో ముగిసింది. ఈ పోటీలలో సుల్తానాబాద్‌కు చెందిన చింతల సింగం జట్టు విజేతగా నిలిచింది.
ఎలిగేడు ఈగల్ జట్టు రన్నరప్‌గా నిలిచి, టోర్నమెంట్‌లో రెండో స్థానాన్ని దక్కించుకుంది. ఈ క్రికెట్ పోటీలు సుల్తానాబాద్ ప్రభుత్వ జూనియర్ కళాశాల మైదానంలో జరిగాయి.
విజేతగా నిలిచిన చింతల సింగం జట్టుకు లక్ష రూపాయల నగదు బహుమతితో పాటు షీల్డ్‌ను అందజేశారు. రన్నరప్‌గా నిలిచిన ఎలిగేడు ఈగల్ జట్టుకు యాభై వేల రూపాయల నగదు బహుమతితో పాటు మెమొంటోను ప్రదానం చేశారు.
రాష్ట్ర ప్రభుత్వ విప్‌, పెద్దపల్లి ఎమ్మెల్యే చింతకుంట విజయరమణ రావు విజేతలకు బహుమతులు అందజేశారు. కాంగ్రెస్ యువనేత, 8వ వార్డు కౌన్సిలర్ భాకం సాయికిరణ్ ఈ టోర్నమెంట్‌ను నిర్వహించారు.
