హైదరాబాద్‌లో జరిగిన రాజీవ్ సద్భావనా యాత్ర కార్యక్రమంలో మంత్రి ఉత్తమ్ కుమార్ రెడ్డి, పీసీసీ చీఫ్ మహేష్ కుమార్ గౌడ్ పాల్గొన్నారు. ఈ సందర్భంగా వారు రాజీవ్ గాంధీ త్యాగాలను స్మరించుకుంటూ బీజేపీ, ఆర్ఎస్ఎస్ తీరుపై తీవ్ర విమర్శలు చేశారు.
గాంధీ, నెహ్రూ చరిత్రను చెరిపివేసేందుకు కుట్ర జరుగుతోందని కాంగ్రెస్ నాయకులు ఆరోపించారు. దేశం కోసం బీజేపీ ఒక్క చుక్క రక్తం కూడా చిందించలేదని పీసీసీ చీఫ్ మహేష్ గౌడ్ అన్నారు.
కాంగ్రెస్ పార్టీ దేశం కోసం చేసిన త్యాగాలను ఈ సందర్భంగా నాయకులు గుర్తు చేశారు. దేశభక్తిపై బీజేపీకి మాట్లాడే అర్హత లేదని మహేష్ గౌడ్ స్పష్టం చేశారు.
సద్భావనా యాత్రలో కాంగ్రెస్ నాయకులు ప్రతిపక్షాలపై విరుచుకుపడ్డారు. బీఆర్ఎస్, బీజేపీలను తీవ్రంగా విమర్శించారు.
