జనగణన సిబ్బందిగా ప్రభుత్వ ఉపాధ్యాయులు, ఉద్యోగులతో పాటు ప్రైవేట్ సంస్థలు, సొసైటీలు, ట్రస్టుల ఉద్యోగులను కూడా నియమించవచ్చని కేంద్రం ఉత్తర్వులు జారీ చేసింది. ఈ నిర్ణయంపై కాంగ్రెస్ పార్టీ తీవ్ర అభ్యంతరం వ్యక్తం చేసింది.
ఈ చర్య వెనుక దురుద్దేశం ఉందని కాంగ్రెస్ ప్రధాన కార్యదర్శి జైరాం రమేశ్ ఆరోపించారు. ఇది వేలాది మంది ఆర్‌ఎస్‌ఎస్, బీజేపీ కార్యకర్తలకు ఉపాధి కల్పించే పథకం లాంటిదని ఆయన వ్యాఖ్యానించారు.
గతంలో ఆర్‌ఎస్‌ఎస్ తన కార్యకర్తల కోసం జూలై 10 నుంచి 12 వరకు ఒక శిక్షణ శిబిరం నిర్వహించిందని రమేశ్ గుర్తు చేశారు. ఈ శిబిరం 2027 జనాభా గణన అనే అంశంపైనే ప్రధానంగా దృష్టి పెట్టిందని ఆయన పేర్కొన్నారు.
కేంద్రం తీసుకున్న ఈ నిర్ణయం జనగణన ప్రక్రియ పారదర్శకతను, విశ్వసనీయతను దెబ్బతీస్తుందని కాంగ్రెస్ పార్టీ అభిప్రాయపడింది. ప్రైవేట్ ఉద్యోగుల నియామకం వల్ల డేటా సేకరణలో పక్షపాతం ఏర్పడే అవకాశం ఉందని ఆందోళన వ్యక్తం చేసింది.
