రాష్ట్రంలో స్థానిక సంస్థల ఎన్నికల కోడ్ అమల్లో ఉన్నందున ఎన్నికల సంఘం నిబంధనలు కఠినంగా మారాయి. డిసెంబర్ 3 వరకు ఈ కోడ్ అమలులో ఉంటుంది.
పోలీసులు, ఫ్లయింగ్ స్క్వాడ్ అధికారులు తనిఖీలను ముమ్మరం చేశారు. ఎన్నికల్లో అక్రమ డబ్బు, విలువైన లోహాల పంపిణీని అడ్డుకోవడమే ఈ తనిఖీల లక్ష్యం.
ఎన్నికల నిబంధనల ప్రకారం, ఎవరైనా వ్యక్తి సరైన ఆధారాలు లేకుండా తమ వెంట తీసుకువెళ్లే నగదు పరిమితి రూ.50,000 మాత్రమే.
సామాన్య ప్రజలు ఎలాంటి ఇబ్బందులు పడకుండా ఉండాలంటే ఎన్నికల నిబంధనలపై పూర్తి అవగాహన కలిగి ఉండాలని అధికారులు సూచించారు.
