ఫ్యూచర్ సిటీ పోలీస్ కమిషనరేట్ కార్యాలయంలో శనివారం తెలంగాణ సంప్రదాయ బతుకమ్మ పండుగను ఘనంగా నిర్వహించారు. ఈ వేడుకల్లో సీనియర్ పోలీస్ అధికారులు, మహిళా పోలీస్ సిబ్బంది, ఇతర ఉద్యోగులు ఉత్సాహంగా పాల్గొన్నారు.
జాయింట్ సీపీ తరుణ్ జోషి, జాయింట్ సీపీ చందన దీప్తి, షాద్‌నగర్ డీసీపీ శిరీష ఈ వేడుకలకు హాజరయ్యారు. పోలీస్ కమిషనరేట్ చరిత్రలో బతుకమ్మ పండుగను నిర్వహించడం ఇదే మొదటిసారి.
పోలీస్ అధికారులు, సిబ్బంది కలిసి బతుకమ్మలను పేర్చి, వాటి చుట్టూ నృత్యాలు చేశారు. ఈ కార్యక్రమం పోలీస్ సిబ్బందిలో ఉత్సాహాన్ని నింపింది.
తెలంగాణ సంస్కృతి, సంప్రదాయాలను ప్రతిబింబించేలా ఈ వేడుకలు జరిగాయి. పోలీస్ కమిషనరేట్ ప్రాంగణం పండుగ వాతావరణంతో నిండిపోయింది.
