మలేషియాలోని కౌలాలంపూర్‌లో అక్టోబర్ 18, 2026న మలేషియా తెలంగాణ అసోసియేషన్ (MYTA) ఆధ్వర్యంలో 13వ గ్రాండ్ బతుకమ్మ వేడుకలు ఘనంగా జరిగాయి. ఈ కార్యక్రమానికి భారత హైకమిషన్ ఫస్ట్ సెక్రటరీ మణియిల్ రాజేష్ హెచ్ ముఖ్య అతిథిగా హాజరయ్యారు.
తెలంగాణ సంస్కృతి, సంప్రదాయాలను ప్రతిబింబిస్తూ బతుకమ్మ పాటలు, జానపద కళలతో ఈ వేడుకలు అంగరంగ వైభవంగా నిర్వహించారు. మహిళలు సంప్రదాయ దుస్తుల్లో రంగురంగుల పూలతో బతుకమ్మలను పేర్చి, వాటి చుట్టూ నృత్యాలు చేశారు.
తెలంగాణ పల్లె సంస్కృతి, జానపద కళలు, సంప్రదాయాల ప్రదర్శన ఈ కార్యక్రమానికి ప్రత్యేక ఆకర్షణగా నిలిచింది. ప్రముఖ జానపద నృత్య కళాకారిణి జనుల్యూరి, జానపద గేయ రచయిత, గాయకుడు దిలీప్ దేవ్‌గన్, సినిమాటోగ్రాఫర్ అరుణ్ కొలుగూరి ఈ వేడుకల్లో పాల్గొన్నారు.
మలేషియాలోని వివిధ ఇండియన్ అసోసియేషన్ల అధ్యక్షులు, ప్రతినిధులు కూడా ఈ కార్యక్రమానికి హాజరయ్యారు. వారు తెలంగాణ సంస్కృతిని ఆస్వాదిస్తూ వేడుకల్లో పాలుపంచుకున్నారు.
