విజన్ సినిమా హౌస్ బ్యానర్‌పై రూపొందిన రొమాంటిక్ ఎంటర్‌టైనర్ 'హైకూ' అక్టోబర్ 23న ప్రేక్షకుల ముందుకు రానుంది. యువరాజ్ చిన్నసామి రచన, దర్శకత్వంలో తెరకెక్కిన ఈ చిత్రంలో ఏగ‌న్‌, కోర్ట్ ఫేమ్ శ్రీదేవి, ఫెమినా జార్జ్ హీరో హీరోయిన్లుగా నటించారు. డా. అరుళానందు, మాథ్యూ అరుళానందు ఈ చిత్రాన్ని నిర్మించారు. శనివారం హైద‌రాబాద్‌లో జరిగిన రిలీజ్ ప్రెస్‌మీట్‌లో ఈ వివరాలను వెల్లడించారు.
ఈ సందర్భంగా ప్రముఖ ర‌చ‌యిత, నిర్మాత కోన వెంకట్ మాట్లాడుతూ, 'హైకూ' ఒక సిన్సియ‌ర్ ల‌వ్ స్టోరి అని, ఇది అంద‌రినీ కాలేజీ రోజుల్లోకి తీసుకెళ్లే సినిమా అని ప్రశంసించారు. డైరెక్టర్ రామ్ జగదీశ్ కూడా ఈ కార్యక్రమానికి ముఖ్య అతిథిగా హాజరయ్యారు. హీరోయిన్ శ్రీదేవి కూడా ఈ కార్యక్రమంలో మాట్లాడారు. ఈ చిత్రం యువతను ఆకట్టుకుంటుందని చిత్ర బృందం ఆశాభావం వ్యక్తం చేసింది.
