సద్దుల బతుకమ్మ వేడుకలను పురస్కరించుకుని అక్టోబర్ 18 ఆదివారం హైదరాబాద్ నగరంలో ట్రాఫిక్ ఆంక్షలు విధించనున్నారు. ఈ వేడుకలు అమరవీరుల స్మారక స్థూపం నుంచి బతుకమ్మ ఘాట్ వరకు జరుగుతాయి.
ఈ ఉత్సవాల కారణంగా మధ్యాహ్నం 2 గంటల నుంచి రాత్రి 11 గంటల వరకు అప్పర్ ట్యాంక్‌బండ్, నెక్లెస్ రోడ్ ప్రాంతాల్లో వాహనాల రద్దీ పెరిగే అవకాశం ఉందని ట్రాఫిక్ పోలీసులు తెలిపారు.
రద్దీని నియంత్రించేందుకు పలు జంక్షన్ల వద్ద సాధారణ వాహనాలను నిలిపివేసి, వాటిని ప్రత్యామ్నాయ మార్గాల్లోకి మళ్లిస్తారు. వాహనదారులు ఈ మార్పులను గమనించాలి.
నగరంలోని వివిధ జంక్షన్ల వద్ద ట్రాఫిక్ మళ్లింపులు ఉంటాయని పోలీసులు వెల్లడించారు. వాహనదారులు పోలీసులకు సహకరించాలని కోరారు.
