ప్రధాన ఎన్నికల కమిషనర్ జ్ఞానేశ్ కుమార్ రాజీనామా చేయాలని, తొలగించిన ఓట్లను పునరుద్ధరించాలని డిమాండ్ చేస్తూ ఇండియా కూటమి హైదరాబాద్ లో భారీ మార్చ్ నిర్వహించనుంది. ఈ నిరసన కార్యక్రమం దసరా తర్వాత జరుగుతుందని పీసీసీ చీఫ్ మహేశ్ కుమార్ గౌడ్ వెల్లడించారు.
ఇండియా కూటమి చేపట్టిన ఉద్యమాన్ని ఇకపై రాష్ట్రాలవారీగా విస్తరించనున్నట్లు పీసీసీ చీఫ్ మహేశ్ కుమార్ గౌడ్ తెలిపారు. ఇందులో భాగంగా హైదరాబాద్‌‌లో దసరా తర్వాత భారీ మార్చ్, బహిరంగ సభ నిర్వహించనున్నట్లు ఆయన పేర్కొన్నారు.
ఈ సభ నిర్వహణ తేదీని ‘ఇండియా కూటమి’ నేతలతో చర్చించి త్వరలో ప్రకటిస్తామని మహేశ్ కుమార్ గౌడ్ స్పష్టం చేశారు. ఈ ఉద్యమం దేశవ్యాప్తంగా విస్తరించడంలో భాగంగా హైదరాబాద్ లో ఈ కార్యక్రమం జరగనుంది.
మంగళవారం సాయంత్రం ఢిల్లీలోని సునేహ్రీ బాగ్ లో రాహుల్‌ గాంధీ విద్యార్థి సంఘాల నేతలు, సామాజిక వేత్తలు, ఇండియా కూటమి నేతలకు తేనీటి విందు ఇచ్చారు. ఈ సమావేశంలో పలువురు కీలక నేతలు పాల్గొన్నారు.
ఈ విందుకు కాంగ్రెస్ పార్లమెంటరీ పార్టీ, సోనియా గాంధీ, ఏఐసీసీ చీఫ్ మల్లికార్జున ఖర్గే, ప్రియాంక గాంధీ, తెలంగాణ సీఎం రేవంత్‌ రెడ్డితో పాటు, కర్ణాటక సీఎం డీకే శివకుమార్, పీసీసీ చీఫ్ మహేశ్ గౌడ్, మంత్రులు వివేక్ వెంకటస్వామి, పొన్నం ప్రభాకర్, పొంగులేటి శ్రీనివాస్‌రెడ్డి, వాకిటి శ్రీహరి, జూపల్లి కృష్ణారావు, ఎంపీలు మల్లు రవి, గడ్డం వంశీకృష్ణ, రఘువీర్ రెడ్డి, చామల కిరణ్ కుమార్ రెడ్డి, బలరాం నాయక్ హాజరయ్యారు.
తెలంగాణలో ఈ భారీ మార్చ్ నిర్వహించడం ద్వారా, తొలగించిన ఓట్ల పునరుద్ధరణ, జ్ఞానేశ్ కుమార్ రాజీనామా డిమాండ్ ను ప్రజల్లోకి బలంగా తీసుకెళ్లాలని ఇండియా కూటమి లక్ష్యంగా పెట్టుకుంది. ఇది రాష్ట్ర రాజకీయాలపై ప్రభావం చూపే అవకాశం ఉంది.
