ఆంధ్రప్రదేశ్‌లో స్థానిక ఎన్నికల నామినేషన్ల సందర్భంగా నెలకొన్న ఉద్రిక్త పరిస్థితులపై వైసీపీ అధినేత జగన్ తీవ్ర ఆందోళన వ్యక్తం చేశారు. ఎక్స్ వేదికగా చేసిన ట్వీట్ ద్వారా కూటమి ప్రభుత్వాన్ని ఆయన తీవ్రంగా విమర్శించారు. రాష్ట్రంలో రాజ్యాంగం కుప్పకూలిపోయిందని, ప్రజాస్వామ్యాన్ని పట్టపగలే ఖూనీ చేస్తున్నారని జగన్ తన ట్వీట్‌లో పేర్కొన్నారు.
స్థానిక ఎన్నికల నామినేషన్ల సందర్భంగా వరుసగా రెండోరోజూ చంద్రబాబు శాంతిభద్రతలను పూర్తిగా నిర్వీర్యం చేశారని జగన్ మండిపడ్డారు. ఈ పరిణామాలు రాష్ట్రంలో నెలకొన్న రాజకీయ అస్థిరతను, శాంతిభద్రతల లోపాన్ని స్పష్టం చేస్తున్నాయని ఆయన అన్నారు. ఈ విషయమై తక్షణమే చర్యలు తీసుకోవాలని ఆయన డిమాండ్ చేశారు.
