ఖమ్మం, నల్గొండ, వరంగల్ పట్టభద్రుల ఎమ్మెల్సీ ఎన్నికల సమరానికి జనసేన పార్టీ అప్రమత్తమైంది. పట్టభద్రుల గొంతుకను బలంగా వినిపించేందుకు, ఈ ఎన్నికల ప్రచారం కోసం ప్రత్యేకంగా రూపొందించిన ‘జనసేన గ్రాడ్యుయేట్ ఎక్స్ప్రెస్’ ప్రచార రథాన్ని పార్టీ అధ్యక్షుడు పవన్ కల్యాణ్ శుక్రవారం హైదరాబాద్‌లోని పార్టీ రాష్ట్ర కార్యాలయంలో ఘనంగా ప్రారంభించారు. ఈసారి తెలంగాణలో జెండా పాతాలని జనసేనాని కృతనిశ్చయంతో ఉన్నారు.
తెలంగాణ గడ్డపై తమ ఉనికిని చాటుకోవాలని జనసేన పార్టీ లక్ష్యంగా పెట్టుకుంది. ఈ ఎమ్మెల్సీ ఎన్నికలను పార్టీ ప్రతిష్టాత్మకంగా తీసుకుంది. పవన్ కల్యాణ్ ప్రారంభించిన ఈ ప్రచార రథం ద్వారా పట్టభద్రులను చేరుకుని వారి సమస్యలను తెలుసుకోవాలని పార్టీ భావిస్తోంది. రాబోయే ఎన్నికల్లో జనసేన ఎలాంటి ఫలితాలను సాధిస్తుందో కాలమే చెబుతుంది.
