విజయవాడ ఇంద్రకీలాద్రిపై ఉన్న కనకదుర్గ ఆలయంలో దసరా నవరాత్రి ఉత్సవాలు అక్టోబర్ 20న తెప్పోత్సవంతో ముగుస్తాయి. కృష్ణానదిలో జరిగే ఈ తెప్పోత్సవం కోసం అధికారులు విస్తృత ఏర్పాట్లు చేస్తున్నారు.
దేవదాయ, పోలీసు, నీటిపారుదల శాఖల అధికారులు ఈ వేడుకను పర్యవేక్షిస్తున్నారు. కనకదుర్గ అమ్మవారు, మల్లేశ్వరస్వామి కృష్ణానదిలో హంస వాహనంపై విహరిస్తారు.
అమ్మవారి ఊరేగింపు కోసం హంస వాహనాన్ని ఇప్పటికే అలంకరించారు. భక్తుల భద్రత కోసం పోలీసులు ఘాట్ల వద్ద సిబ్బందిని మోహరించారు.
నీటిపారుదల శాఖ స్నాన ఘాట్ల వద్ద నిపుణులైన ఈతగాళ్లను ఏర్పాటు చేసింది. హంస వాహనం, దుర్గా ఘాట్, పున్నమి ఘాట్లను ఉత్సవం కోసం విద్యుత్ దీపాలతో అలంకరించారు.
