పశుసంవర్ధక శాఖ మంత్రి వాకిటి శ్రీహరి అక్టోబర్ 17, 2026న మహబూబ్ నగర్ జిల్లా అలంపూర్‌‌‌‌‌‌‌‌లోని జోగులాంబ బాల బ్రహ్మేశ్వర స్వామి దేవాలయాన్ని సందర్శించారు. దసరా శరన్నవరాత్రుల సందర్భంగా ఆయన కుటుంబ సభ్యులతో కలిసి ఆలయానికి వచ్చి అమ్మవారికి రాష్ట్ర ప్రభుత్వం తరఫున పట్టువస్త్రాలు సమర్పించారు.
మంత్రి శ్రీహరి మొదట బాల బ్రహ్మేశ్వర స్వామివారిని దర్శించుకుని పూజలు చేశారు. ఆ తర్వాత జోగులాంబ అమ్మవారికి పూజలు చేసి, ఆలయ అర్చకుల నుండి ప్రసాదం, ఆశీర్వచనాలు అందుకున్నారు.
తెలంగాణ రాష్ట్రం సుభిక్షంగా ఉండాలని, ఎల్‌‌‌‌‌‌‌‌నినో ప్రభావం తగ్గి రైతులు, ప్రజల కష్టాలు తొలగిపోవాలని జోగులాంబ అమ్మవారిని ప్రార్థించినట్లు మంత్రి వాకిటి శ్రీహరి తెలిపారు.
పేదలు, బలహీన వర్గాల సంక్షేమం కోసం కృషి చేస్తున్న ముఖ్యమంత్రి రేవంత్‌‌‌‌‌‌‌‌రెడ్డికి, రాష్ట్ర ప్రభుత్వానికి అమ్మవారు మరింత శక్తిని ప్రసాదించాలని తాను కోరుకున్నట్లు మంత్రి పేర్కొన్నారు.
