మక్తల్ పట్టణంలోని రాంలీలా మైదానంలో జరిగే దసరా వేడుకలను విజయవంతం చేయాలని రాష్ట్ర మంత్రి డాక్టర్ వాకిటి శ్రీహరి నియోజకవర్గ ప్రజలకు పిలుపునిచ్చారు. ఈరోజు సాయంత్రం 3 గంటల నుండి శ్రీశ్రీశ్రీ నల్లజానమ్మ దేవాలయం నుండి దసరా శోభయాత్ర ప్రారంభమవుతుంది.
మంత్రి వాకిటి శ్రీహరి మక్తల్ నియోజకవర్గ ప్రజలకు విజయదశమి పండుగ శుభాకాంక్షలు తెలిపారు. దసరా ఉత్సవాలు ఘనంగా నిర్వహించాలని ఆయన ఆకాంక్షించారు.
నియోజకవర్గ ప్రజలు, అఖిలపక్ష నాయకులు, ధార్మిక సంస్థల ప్రతినిధులు, అన్ని సంఘాల నాయకులు ఈ వేడుకలకు పెద్ద సంఖ్యలో హాజరు కావాలని మంత్రి కోరారు.
దసరా శోభయాత్ర, వేడుకలు విజయవంతం కావడానికి అందరూ సహకరించాలని మంత్రి శ్రీహరి విజ్ఞప్తి చేశారు. ఈ కార్యక్రమం మక్తల్ పట్టణంలో ఉత్సాహంగా జరగాలని ఆయన ఆశాభావం వ్యక్తం చేశారు.
