పశ్చిమ గోదావరి జిల్లా నరసాపురం మున్సిపాలిటీ పరిధిలోని 14వ వార్డు కౌన్సిలర్ పదవికి ఎన్డీఏ కూటమి తరఫున పోటీ చేస్తున్న తోట శ్రీధర్ సూర్య కుమారి విజయదశమి రోజున తన ఎన్నికల ప్రచారాన్ని మొదలుపెట్టారు.
జనసేన అధినేత పవన్ కళ్యాణ్ ఆశయాలను అనుసరించి, ఎమ్మెల్యే బొమ్మిడి నాయకర్ పనితీరును ఆదర్శంగా తీసుకుని ప్రజలకు సేవ చేయడమే తన లక్ష్యమని తోట శ్రీధర్ సూర్య తెలిపారు.
తన వార్డులో ప్రజలు ఎదుర్కొంటున్న ప్రధాన సమస్యలను గుర్తించి, వాటి పరిష్కారానికి కృషి చేస్తానని ఆమె స్పష్టం చేశారు. రోడ్లు, డ్రైనేజీ, పారిశుధ్యం వంటి వాటికి ప్రాధాన్యత ఇస్తానని పేర్కొన్నారు.
ప్రజలకు ఎల్లప్పుడూ అందుబాటులో ఉంటూ, వార్డు అభివృద్ధికి కృషి చేస్తానని తోట శ్రీధర్ సూర్య కుమారి హామీ ఇచ్చారు.
