ప్రభాస్ హీరోగా హను రాఘవపూడి దర్శకత్వంలో వస్తున్న 'ఫౌజీ' సినిమా గ్లింప్స్ వివాదంలో చిక్కుకుంది. గ్లింప్స్‌లో నేతాజీ సుభాష్ చంద్రబోస్ హిట్లర్‌ను కలిసే సన్నివేశంపై నేతాజీ సోదరుడి మనవడు చంద్ర కుమార్ బోస్ అభ్యంతరం వ్యక్తం చేశారు.
బోస్ ఏమన్నారు
- "జాతీయ నాయకుల విషయంలో వాస్తవాలను వక్రీకరించి కల్పనకు దిగడం నేరమే" అని ఐఏఎన్ఎస్‌తో అన్నారు.
- నేతాజీ ఫాసిజాన్ని గట్టిగా వ్యతిరేకించారని, ప్రజాస్వామ్యాన్ని నమ్మారని చెప్పారు.
- స్వాతంత్ర్య పోరాటానికి సాయపడతారనే ఉద్దేశంతోనే నేతాజీ హిట్లర్‌తో, జపాన్‌కు చెందిన తోజోతో సంప్రదింపులు జరిపారని వివరించారు.
- దర్శకుడు దేశ ప్రజలకు, స్వాతంత్ర్య పోరాటాన్ని గౌరవించే వారందరికీ క్షమాపణ చెప్పాలని డిమాండ్ చేశారు.
గ్లింప్స్‌లో హీరో పాత్రను పెంచి చూపేందుకు నేతాజీ పాత్రను వాడుకున్నారన్నది విమర్శకుల అభ్యంతరం. ప్రభాస్ పుట్టినరోజు (అక్టోబర్ 23) సందర్భంగా ఈ గ్లింప్స్‌ను, విడుదల తేదీని ప్రకటించారు.
'ఫౌజీ' 2027 మార్చి 19న ప్రపంచవ్యాప్తంగా విడుదల కానుంది. మొదట డిసెంబర్ 2026లో విడుదల చేయాలనుకున్నారు. మైత్రీ మూవీ మేకర్స్ నిర్మిస్తున్న ఈ సినిమాతో ఇమాన్వీ హీరోయిన్‌గా పరిచయమవుతున్నారు. బోస్ డిమాండ్‌పై చిత్రబృందం ఇంకా స్పందించలేదు.
