షహీద్ వీర్ నారాయణ్ సింగ్ అంతర్జాతీయ క్రికెట్ స్టేడియంలో శుక్రవారం జరిగిన మ్యాచ్‌లో నికీ ప్రసాద్ అద్భుత ప్రదర్శనతో భారత్ విజయం సాధించింది. 115 పరుగుల లక్ష్యాన్ని ఛేదించే క్రమంలో భారత్ 19 పరుగులకే 4 వికెట్లు కోల్పోయి కష్టాల్లో పడింది.
ఈ సమయంలో నికీ ప్రసాద్ క్రీజులోకి వచ్చి అజేయంగా 39 పరుగులు చేసింది. ఆమె దీప్తి శర్మతో కలిసి 63 బంతుల్లో 82 పరుగుల భాగస్వామ్యాన్ని నెలకొల్పింది.
దీప్తి శర్మ 49 పరుగులు చేయగా, నికీ ప్రసాద్ చివరి వరకు క్రీజులో నిలిచి భారత్‌ను గెలిపించింది. 15.4 ఓవర్లలోనే భారత్ లక్ష్యాన్ని ఛేదించి మూడు మ్యాచ్‌ల సిరీస్‌లో 1-0 ఆధిక్యం సాధించింది.
మ్యాచ్ అనంతరం నికీ ప్రసాద్ మాట్లాడుతూ, అంతర్జాతీయ అరంగేట్రంలోనే భారత్‌కు ప్రాతినిధ్యం వహించడం, విజయాన్ని అందించే బౌండరీతో మ్యాచ్‌ను ముగించడం చాలా ప్రత్యేకమైన అనుభూతి అని పేర్కొంది.
