తెలియక జరిగే లోపాల వల్ల ఆలయ పవిత్రతకు భంగం కలగకుండా ఉండేందుకు ఏటా పవిత్రోత్సవాలు నిర్వహిస్తారు. శ్రీనివాస మంగాపురంలో ఈ ఏడాది ఉత్సవాలు ఆగమ శాస్త్రం ప్రకారం జరుగుతాయని టీటీడీ తెలిపింది.
శ్రీనివాస మంగాపురం పవిత్రోత్సవాలు
- నవంబర్ 4: ఉదయం 9:30కి ఋత్విక్ వరణం; సాయంత్రం 6కు అంకురార్పణ, సేనాధిపతి ఉత్సవం
- నవంబర్ 5: ఉదయం 11కి స్నపన తిరుమంజనం; రాత్రి 7కు పవిత్ర ప్రతిష్ఠ
- నవంబర్ 6: ఉదయం 10కి స్నపన తిరుమంజనం; మధ్యాహ్నం 12కు పవిత్ర సమర్పణ; సాయంత్రం 5కు వీధి ఉత్సవం
- నవంబర్ 7: రాత్రి 8:30కి పూర్ణాహుతితో ముగింపు
తిరుచానూరు, అప్పలాయగుంటలో
తిరుచానూరులో నవంబర్ 15న ఉత్తరాషాఢ నక్షత్రం సందర్భంగా సాయంత్రం 6:45 నుంచి అమ్మవారు గజ వాహనంపై దర్శనమిస్తారు. నవంబర్ 6, 13, 20, 27 తేదీల్లో సాయంత్రం 6కు నాలుగు మాడ వీధుల్లో తిరుచ్చి ఉత్సవం, 24న కార్తీక దీపోత్సవం ఉంటాయి. అప్పలాయగుంట శ్రీ ప్రసన్న వేంకటేశ్వరస్వామి ఆలయంలో నవంబర్ 3న అష్టదళ పాద పద్మారాధన, 8న దీపావళి ఆస్థానం, 11న అష్టోత్తర శత కలశాభిషేకం, 16న ఉదయం 10:30కి కల్యాణోత్సవం, 24న కార్తీక దీపోత్సవం జరుగుతాయి.
తిరుమలలో ఆదివారం (నవంబర్ 1) 77,010 మంది స్వామివారిని దర్శించుకున్నారు; 22,826 మంది తలనీలాలు సమర్పించారు, హుండీ ఆదాయం ₹4.13 కోట్లు. సోమవారం సర్వదర్శనానికి 4 నుంచి 6 గంటల సమయం పట్టింది.
