స్థానిక ఎన్నికల నామినేషన్ల ప్రక్రియలో అరాచకాలు చోటు చేసుకుంటున్నాయని వైఎస్సార్‌సీపీ స్టేట్ కోఆర్డినేటర్ సజ్జల రామకృష్ణారెడ్డి తీవ్రంగా ఖండించారు. చంద్రబాబు ఆదేశాల మేరకే పోలీసులు కాల్పులు జరిపారని ఆయన ఆరోపించారు.
తాడేపల్లిలోని వైఎస్సార్‌సీపీ కేంద్ర కార్యాలయం నుంచి సజ్జల మాట్లాడుతూ, నామినేషన్లు స్వేచ్ఛగా దాఖలు చేసే వాతావరణం లేదని ఆగ్రహం వ్యక్తం చేశారు.
రాష్ట్రవ్యాప్తంగా టీడీపీ కార్యకర్తలు అరాచకాలకు పాల్పడుతున్నారని ఆయన పేర్కొన్నారు. ప్రస్తుత పరిస్థితులు చూస్తుంటే ఎన్నికలు ఎందుకు నిర్వహిస్తున్నారో అర్థం కావడం లేదని సజ్జల అసంతృప్తి వ్యక్తం చేశారు.
కూటమి ప్రభుత్వం అరాచకాలకు పాల్పడుతోందని సజ్జల ధ్వజమెత్తారు. తమను నైతికంగా ఎదుర్కోలేక చంద్రబాబు ఈ దాడులు చేయిస్తున్నారని ఆయన అన్నారు.
