తెలంగాణ హోమియోపతి డాక్టర్స్ అసోసియేషన్ రాష్ట్ర అధ్యక్షులు డా. చినుకని శివ ప్రసాద్ విజయదశమి పండుగను పురస్కరించుకుని ఆందోల్ మైసమ్మ ఆలయంలో ప్రత్యేక పూజలు చేశారు.
ఈ సందర్భంగా డా. శివ ప్రసాద్ మాట్లాడుతూ, ప్రజలందరూ ఆయురారోగ్యాలతో, సుఖసంతోషాలతో జీవించాలని అమ్మవారిని వేడుకున్నట్లు తెలిపారు. తెలంగాణ రాష్ట్రం అన్ని రంగాలలో అభివృద్ధి చెందాలని కూడా ఆయన ఆకాంక్షించారు.
విజయదశమి పండుగ చెడుపై మంచి సాధించిన విజయానికి ప్రతీక అని డా. శివ ప్రసాద్ వివరించారు. ప్రతి ఒక్కరూ ధర్మబద్ధంగా, న్యాయంగా, సేవాభావంతో ముందుకు సాగాలని ఆయన పిలుపునిచ్చారు.
ప్రజల జీవితాల్లో శాంతి, సౌభాగ్యం వెల్లివిరియాలని అమ్మవారిని ప్రార్థించినట్లు డా. చినుకని శివ ప్రసాద్ పేర్కొన్నారు.
