బంగ్లాదేశ్‌లోని కాక్స్ బజార్ జిల్లాలో శనివారం ఉదయం 6.30 గంటలకు భారీ అగ్నిప్రమాదం సంభవించింది. ఈశాన్య బంగ్లాదేశ్‌లోని సముద్రం పక్కనున్న ఒక రిసార్ట్‌లో మంటలు చెలరేగాయి. ఈ ఘటనలో పది మంది మరణించారు, తొమ్మిది మంది గాయపడ్డారు. మరికొందరు మంటల్లో చిక్కుకున్నట్లు అధికారులు తెలిపారు.
అగ్నిప్రమాదం జరిగిన వెంటనే స్థానిక అగ్నిమాపక సిబ్బంది, సహాయక బృందాలు ఘటనా స్థలానికి చేరుకున్నాయి. మంటలను అదుపులోకి తీసుకురావడానికి ప్రయత్నిస్తున్నారు. గాయపడిన వారిని సమీపంలోని ఆసుపత్రులకు తరలించారు. ఈ ఘటనపై దర్యాప్తు ప్రారంభించినట్లు పోలీసులు తెలిపారు.