విజయవాడ నగరం ఇటీవల భక్తిశ్రద్ధలు, సాంస్కృతిక ఉత్సవాలతో కోలాహలంగా మారింది. వేగా జ్యువెలర్స్ అత్యంత ప్రతిష్టాత్మకంగా నిర్వహించిన ‘రాగా దాండియా ఉత్సవ్ 2.0’ నగర ప్రజలను ఆకట్టుకుంది.
ఈ వేడుక విజయవాడ కళాత్మక హృదయాన్ని ఆవిష్కరించింది. సాంప్రదాయ దాండియా, గర్బా నృత్యాలతో పాటు సమకాలీన కళారూపాలను మేళవించి ప్రదర్శించారు.
ఈ ఉత్సవంలో విజయవాడ సాంస్కృతిక వారసత్వాన్ని ప్రతిబింబించే ప్రదర్శనలు ప్రేక్షకులను మంత్రముగ్ధులను చేశాయి. నగర ప్రజలు ఈ కార్యక్రమాన్ని ఎంతో ఉత్సాహంగా వీక్షించారు.
ప్రముఖ కొరియోగ్రాఫర్, బిగ్ బాస్ ఫేమ్ ఉదయ్ మాస్టర్ బృందం అద్భుతమైన నృత్య రూపకాలతో వేదికపై అలరించారు. వారి ప్రదర్శనలు ఈ ఉత్సవానికి ప్రత్యేక ఆకర్షణగా నిలిచాయి.
