ప్రముఖ బ్రోకరేజ్ సంస్థ ఆనంద్ రాఠీ, ఈ-కామర్స్ ప్లాట్‌ఫామ్ నైకా షేర్లపై కొత్త కవరేజ్ ప్రారంభించింది. ఈ స్టాక్‌ను కొనుగోలు చేయాలని సిఫార్సు చేస్తూ, టార్గెట్ ధరను రూ.400గా నిర్ణయించింది.
నైకా షేర్లు స్టాక్ మార్కెట్లో లిస్ట్ అయిన తర్వాత మొదటి రెండేళ్లలో వృద్ధి మందగించింది. ఫ్యాషన్ విభాగంలో మార్జిన్ ఒత్తిడుల కారణంగా నైకా కొన్ని సవాళ్లను ఎదుర్కొంది.
అయితే, 2026 ఆర్థిక సంవత్సరంలో నైకా పురోగతిని సాధించింది. ఈ కాలంలో కంపెనీ 1 బిలియన్ డాలర్ల (దాదాపు రూ.8,300 కోట్లకు పైగా) రికార్డు ఆదాయాన్ని నమోదు చేసి బలమైన స్థితికి చేరుకుంది.
దీర్ఘకాలిక పెట్టుబడి వ్యూహంతో నైకా షేర్లను కొనుగోలు చేయవచ్చని ఆనంద్ రాఠీ సూచించింది. ఈ-కామర్స్ దిగ్గజం భవిష్యత్తు వృద్ధిపై సంస్థ విశ్వాసం వ్యక్తం చేసింది.
