ఏపీలో ద్రోణి ప్రభావంతో వర్షాలు

బంగాళాఖాతంలో ద్రోణి ప్రభావంతో ఆంధ్రప్రదేశ్‌లోని పలు జిల్లాల్లో వర్షాలు కురుస్తాయని ఏపీ విపత్తుల నిర్వహణ శాఖ సోమవారం వెల్లడించింది.

వాతావరణంలో మార్పులు చోటు చేసుకుంటున్నాయని, ఇప్పటికే పలు జిల్లాల్లో ఉష్ణోగ్రతలు పెరిగి వేసవిని తలపిస్తున్నాయని శాఖ తెలిపింది.

ఈ సమయంలోనే ఏపీఎస్డీఎంఏ తాజా హెచ్చరికలు జారీ చేసింది. ఎనిమిది జిల్లాల్లో అక్కడక్కడ పిడుగులతో కూడిన మోస్తరు వర్షాలు కురిసే అవకాశం ఉందని పేర్కొంది.

ప్రజలు అప్రమత్తంగా ఉండాలని, అవసరమైన జాగ్రత్తలు తీసుకోవాలని విపత్తుల నిర్వహణ శాఖ సూచించింది.