హుజూరాబాద్ రూరల్ పరిధిలోని వరంగల్ రోడ్డులో ఉన్న ఈగల్ సీడ్స్ కంపెనీ కార్యాలయాన్ని శనివారం రైతులు పెద్ద ఎత్తున ముట్టడించారు. పంట ఉత్పత్తులు కొనుగోలు చేసి ఏడాది గడుస్తున్నా బిల్లులు చెల్లించకపోవడంతో రైతులు ఆగ్రహం వ్యక్తం చేశారు.
మధ్యప్రదేశ్‌లోని ఇండోర్‌కు చెందిన ఈగల్ సీడ్స్ కంపెనీ స్థానికంగా కార్యాలయాన్ని ఏర్పాటు చేసింది. ఈ కంపెనీ తమ పంట ఉత్పత్తులను కొనుగోలు చేసిందని రైతులు తెలిపారు.
అయితే, కొనుగోలు చేసిన పంటలకు సంబంధించిన బిల్లులను కంపెనీ ఇప్పటివరకు చెల్లించలేదు. దీంతో రైతులు తీవ్ర ఇబ్బందులు ఎదుర్కొంటున్నారు.
కార్యాలయంలోని సిబ్బందిని రైతులు ఘెరావ్ చేశారు. తమ బకాయిలను తక్షణమే విడుదల చేయాలని డిమాండ్ చేశారు.
