భూగర్భ జలాల పతనం: రైతులపై పెను భారం

రాష్ట్రంలో భూగర్భ జలాల పతనం రైతులను తీవ్ర ఆందోళనకు గురిచేస్తోంది. పచ్చని పైర్లను కాపాడుకోవడానికి రైతులు కొత్తగా బోర్లు తవ్వుతూ తీవ్ర ఆర్థిక ఇబ్బందులను ఎదుర్కొంటున్నారు. భూగర్భ జలవనరుల శాఖ నివేదిక ప్రకారం, సుమారు 250 కంటే ఎక్కువ మండలాల్లో నీటి మట్టాలు తీవ్రస్థాయికి పడిపోయాయి. రాష్ట్రంలో గృహ, వ్యవసాయ, వాణిజ్య అవసరాల కోసం మొత్తం 32 లక్షల బోర్లు ఉన్నాయి. నీళ్లు పడకపోవడంతో రైతులు 300 నుంచి 400 అడుగుల లోతు వరకు తవ్వుతున్నారు. కేసింగ్, మోటారు పంపు కలిపి రూ. 25,000 అదనంగా ఖర్చవుతూ మొత్తంగా ఒక్కో బోరుకు రూ. 1.5 లక్షల వరకు ఖర్చు అవుతోంది.