హైదరాబాద్: శివకేశవులకు ప్రీతికరమైన కార్తీక మాసం మంగళవారం ప్రారంభమైంది. డిసెంబర్ 8 వరకు నెల రోజుల పాటు దీపారాధనలు, కార్తీక స్నానాలు, సోమవార ఉపవాసాలతో తెలుగు రాష్ట్రాల్లోని శైవ, వైష్ణవ క్షేత్రాలు భక్తులతో కిటకిటలాడనున్నాయి.
ముఖ్య తేదీలు
- నవంబర్ 13 (శుక్రవారం): నాగుల చవితి
- నవంబర్ 16: తొలి కార్తీక సోమవారం
- నవంబర్ 21 (శనివారం): క్షీరాబ్ధి ద్వాదశి
- నవంబర్ 23: రెండో కార్తీక సోమవారం
- నవంబర్ 24 (మంగళవారం): కార్తీక పౌర్ణమి, జ్వాలాతోరణం
- నవంబర్ 30: మూడో కార్తీక సోమవారం
- డిసెంబర్ 7: నాలుగో కార్తీక సోమవారం
కాలనీల నుంచే ఆర్టీసీ బస్సులు
కార్తీక మాసంలో భక్తుల కోసం గ్రేటర్ హైదరాబాద్‌లోని కాలనీలు, గేటెడ్ కమ్యూనిటీల నుంచే పుణ్యక్షేత్రాలకు ప్రత్యేక బస్సులు నడుపుతామని టీజీఎస్‌ఆర్టీసీ తెలిపింది. వేములవాడ, కొమురవెల్లి, కొండగట్టు, ధర్మపురి; కాళేశ్వరం, వేయిస్తంభాల గుడి, రామప్ప; శ్రీశైలం, ఉమామహేశ్వరం; పంచారామాలు; అరుణాచలం తదితర క్షేత్రాలకు ప్యాకేజీలు ఉన్నాయి. ఒక్కో బస్సులో సుమారు 40 మంది ప్రయాణించవచ్చు. ఛార్జీల వివరాలను సంబంధిత డివిజన్లలో తెలుసుకోవాలని అధికారులు సూచించారు.
