భద్రాచలం: కార్తీక మాసం సందర్భంగా తెలంగాణలోని ప్రముఖ ఆలయాలు ప్రత్యేక కార్యక్రమాలకు సిద్ధమయ్యాయి. భద్రాచలం శ్రీ సీతారామచంద్ర స్వామి దేవస్థానం ఉపాలయమైన అన్నపూర్ణ సమేత కాశీ విశ్వేశ్వర స్వామి ఆలయంలో సోమవారం నుంచి డిసెంబర్ 8 వరకు ప్రత్యేక పూజలు జరుగుతాయని ఆలయ వర్గాలు తెలిపాయి.
భద్రాచలంలో
- ప్రతి సోమవారం పవిత్ర గోదావరి తీరంలో అర్చకులు నదీహారతి ఇస్తారు.
- నవంబర్ 10 (మంగళవారం) నుంచి డిసెంబర్ 8 వరకు రోజూ మిథిలా స్టేడియంలోని రామ సేవా మండపంలో సామూహిక సత్యనారాయణ స్వామి వ్రతాలు.
కాళేశ్వరంలో
శ్రీ కాళేశ్వర ముక్తేశ్వర స్వామి దేవస్థానం అనుబంధ ఆది ముక్తేశ్వర స్వామి బాలాలయంలో ఈ ఏడాది లక్ష పత్రి పూజను రద్దు చేశారు. బాలాలయంలో స్థలం తక్కువగా ఉండటంతో భక్తులకు ఇబ్బంది కలగవచ్చని నిర్ణయం తీసుకున్నట్లు ఆలయ చైర్మన్ అవధాని మోహన్ శర్మ, ఈవో మహేష్ తెలిపారు.
- నవంబర్ 13: నాగుల చవితి, ఉదయం 9 గంటలకు నాగులమ్మ పుట్ట వద్ద ప్రత్యేక పూజ
- నవంబర్ 23: వైకుంఠ చతుర్దశి, అర్ధరాత్రి 12 గంటలకు లింగోద్భవ పూజ
- నవంబర్ 24: కార్తీక పౌర్ణమి, సామూహిక సత్యనారాయణ వ్రతాలు, రాత్రి 7 గంటలకు జ్వాలాతోరణం
- గ్రామస్తుల కోసం రోజూ ఉదయం 7 నుంచి 9 గంటల వరకు ప్రత్యేక దర్శన సమయం
తెలుగు పంచాంగం ప్రకారం కార్తీక మాసం మంగళవారం (నవంబర్ 10) ప్రారంభమై డిసెంబర్ 8 అమావాస్యతో ముగుస్తుంది. ఈసారి కార్తీక సోమవారాలు నాలుగే: నవంబర్ 16, 23, 30, డిసెంబర్ 7.
