సంగారెడ్డి జిల్లా నారాయణఖేడ్ నియోజకవర్గంలోని సింగూరు, మంజీర ప్రాజెక్టుల్లో నీటి మట్టం అడుగంటిపోవడం స్థానికుల్లో ఆందోళన కలిగిస్తోంది. ఈ ప్రాజెక్టుల నుంచి వచ్చే శుద్ధి చేసిన నీటిపైనే సమీపంలోని 160 గ్రామాలు ఆధారపడి ఉన్నాయి.
ప్రస్తుతం ఈ ప్రాంతంలో తాగునీటి సమస్య తీవ్రంగా మారింది. నీటి మట్టాలు తగ్గడంతో సరఫరాలో ఇబ్బందులు ఎదురవుతున్నాయి.
బోరంచ పోచమ్మ గుడి వద్ద ఉన్న ఆరు మోటర్లలో మూడు మాత్రమే పనిచేస్తున్నాయని స్థానికులు తెలిపారు. దీనితో నీటి పంపిణీకి ఆటంకం కలుగుతోంది.
తాగునీటి సమస్యను పరిష్కరించడానికి అధికారులు తక్షణమే దృష్టి సారించి తగిన చర్యలు తీసుకోవాలని గ్రామస్తులు కోరుతున్నారు.
