రాష్ట్ర విపత్తుల నిర్వహణ సంస్థ అల్లూరి సీతారామరాజు, పోలవరం, అనకాపల్లి, కాకినాడ, తూర్పుగోదావరి, ప్రకాశం, మార్కాపురం, నెల్లూరు, కడప, కర్నూలు, నంద్యాల, అనంతపురం, తిరుపతి జిల్లాలకు ఆరెంజ్ అలర్ట్ జారీ చేసింది. రాబోయే మూడు గంటల్లో ఈ ప్రాంతాల్లో ఉరుములు, మెరుపులతో కూడిన వర్షాలు పడే అవకాశం ఉందని హెచ్చరించింది.
ప్రజలు అప్రమత్తంగా ఉండాలని, అవసరమైన జాగ్రత్తలు తీసుకోవాలని విపత్తుల నిర్వహణ సంస్థ సూచించింది. వాతావరణంలో ఆకస్మిక మార్పుల నేపథ్యంలో ఈ హెచ్చరికలు జారీ అయ్యాయి.
రంపచోడవరం, నర్సీపట్నం, కృష్ణదేవిపేట, రౌతులపూడి, మాడుగుల, ఓర్వకల్లు, వెల్దుర్తి, డోన్, గుత్తి, బద్వేలు, సత్యవేడు, శ్రీకాళహస్తి, పొదిలి, సూళ్లూరుపేట, నాయుడుపేట, గొట్టిప్రోలు ప్రాంతాల్లో మోస్తరు వర్షాలు కురిసే అవకాశం ఉంది.
ఈ జిల్లాల్లోని ప్రజలు సురక్షిత ప్రాంతాల్లో ఉండాలని, విద్యుత్ స్తంభాలు, చెట్ల కింద నిలబడకుండా జాగ్రత్తలు తీసుకోవాలని అధికారులు తెలిపారు. అత్యవసర పరిస్థితుల్లో సహాయక బృందాలను సంప్రదించాలని సూచించారు.
