ఆంధ్రప్రదేశ్, తెలంగాణ రాష్ట్రాల్లో బియ్యం ధరలు పెరుగుతున్నాయి. 26 కేజీల బియ్యం బస్తాపై రూ.500 నుంచి రూ.700 వరకు పెరిగింది. ఇది సామాన్య, మధ్యతరగతి ప్రజలపై భారం మోపుతోంది.
ఎల్‌నినో ప్రభావం వల్ల వర్షాలు తగ్గడం, దానితో పంట దిగుబడి తగ్గిపోవడం బియ్యం ధరల పెరుగుదలకు ప్రధాన కారణం. ఇది మార్కెట్లో బియ్యం సరఫరాపై ప్రభావం చూపుతోంది.
పంట తగ్గడంతో పాటు, బియ్యం డీలర్ల వ్యాపార ఎత్తుగడలు, కృత్రిమ కొరత సృష్టించడం కూడా ధరల పెరుగుదలకు కారణం. దీనిపై వినియోగదారులు ఆందోళన వ్యక్తం చేస్తున్నారు.
వంటింట్లో అత్యంత ముఖ్యమైన నిత్యావసరమైన బియ్యం ధరలు రోజురోజుకూ పెరుగుతున్నాయి. కేజీ సన్న బియ్యం ధరలు సెంచరీ దిశగా పయనిస్తున్నాయని వ్యాపారులు చెబుతున్నారు.
