పిల్లల ఆన్‌లైన్ భద్రతకు పటిష్టమైన చర్యలు తీసుకోవాలని సుప్రీంకోర్టు కేంద్ర ప్రభుత్వాన్ని ఆదేశించింది. బాలల లైంగిక వేధింపులకు సంబంధించిన అశ్లీల కంటెంట్‌ను వేగంగా గుర్తించి తొలగించేందుకు ఒక వ్యవస్థను ఏర్పాటు చేయాలని సూచించింది.
పిల్లలు ఇంటర్నెట్‌ను వినియోగించుకునే హక్కులను కాపాడుతూనే, ఆన్‌లైన్ వేధింపుల నుంచి వారికి రక్షణ కల్పించాలని కోర్టు పేర్కొంది. ఇంటర్నెట్ వినియోగ స్వేచ్ఛ, పిల్లల భద్రత ఒకదానికొకటి విరుద్ధం కావని అభిప్రాయపడింది.
బాలల లైంగిక వేధింపుల కంటెంట్‌ను త్వరగా గుర్తించి తొలగించేందుకు ఒక పటిష్టమైన వ్యవస్థను ఏర్పాటు చేయాలని కేంద్ర ప్రభుత్వం, డిజిటల్ వేదికలను ఆదేశించింది. తొలగించిన లైంగిక వేధింపుల డేటాబేస్ ఏర్పాటు చేయాలని కూడా సుప్రీంకోర్టు సూచించింది.
పిల్లల ఇంటర్నెట్ వినియోగంపై వయసు ఆధారంగా పూర్తి నిషేధం విధించడం సరైంది కాదని సుప్రీంకోర్టు స్పష్టం చేసింది. పిల్లల హక్కులను కాపాడుతూనే వారికి రక్షణ కల్పించాలని తెలిపింది.