తెలంగాణలోని పలు ప్రాంతాల్లో రేపు, ఎల్లుండి తేలిపాటి నుంచి మోస్తరు వర్షాలు కురుస్తాయని వాతావరణ శాఖ అధికారులు శుక్రవారం వెల్లడించారు. ఉరుములతో కూడిన జల్లులు పడే అవకాశం ఉందని వారు తెలిపారు.
ఉత్తర తమిళనాడు, దానికి ఆనుకుని ఉన్న దక్షిణ కోస్తా ఆంధ్రప్రదేశ్ ప్రాంతాలలో ఉపరితల ఆవర్తనం కొనసాగుతోంది. ఇది సముద్ర మట్టానికి 4.5 నుంచి 5.8 కిలోమీటర్ల ఎత్తులో ఉందని అధికారులు వివరించారు.
దక్షిణ కోస్తా ఆంధ్రప్రదేశ్, దాని పరిసర ప్రాంతాలలో ఉన్న ఉపరితల ఆవర్తనం నుంచి వాయవ్య బంగాళాఖాతం వరకు ద్రోణి విస్తరించి ఉంది. ఈ ద్రోణి సముద్ర మట్టానికి 1.5 కిలోమీటర్ల ఎత్తు వరకు ఉందని వాతావరణ శాఖ పేర్కొంది.
ఈ ద్రోణి శనివారం ఉదయం 5 గంటలకు బలహీనపడిందని అధికారులు తెలిపారు. దీని ప్రభావంతో రాష్ట్రంలో వర్షాలు కురుస్తాయి.
రాబోయే మూడు రోజుల పాటు రాష్ట్రంలోని కొన్ని ప్రాంతాల్లో అక్కడక్కడా పిడుగులతో కూడిన ఉరుములు పడతాయి. గంటకు 30 నుంచి 40 కిలోమీటర్ల వేగంతో ఈదురు గాలులు వీచే అవకాశం ఉందని వాతావరణ శాఖ హెచ్చరించింది.
