రాష్ట్రంలో ఉచిత చేపపిల్లల పంపిణీ కార్యక్రమానికి కొత్త సమస్యలు ఎదురవుతున్నాయి. వర్షాభావ పరిస్థితులు, ఎల్‌నినో ప్రభావం వల్ల చెరువులు, కుంటల్లో నీటిమట్టాలు తగ్గుతున్నాయి.
నీటి లభ్యతను అంచనా వేయకుండా చేపపిల్లలను చెరువుల్లో వదిలితే అవి కొద్దిరోజులకే నీరు లేక చనిపోయే ప్రమాదం ఉంది. ఇది ప్రభుత్వ లక్ష్యాన్ని దెబ్బతీస్తుంది.
ఈ ఏడాది 17 జిల్లాల్లో చేపపిల్లల పంపిణీకి ప్రభుత్వం నిర్ణయించింది. ఇందుకోసం రూ.116 కోట్లు కేటాయించింది.
నీరు లేక చేపపిల్లలు చనిపోతే ప్రజాధనం వృథా అవుతుందనే అభిప్రాయాలు వ్యక్తమవుతున్నాయి. ఈ పరిస్థితిని నివారించడానికి తగిన చర్యలు తీసుకోవాలని సూచిస్తున్నారు.
