అన్నమయ్య జిల్లా రాయచోటిలో రాష్ట్ర రవాణా, క్రీడల శాఖ మంత్రి మండిపల్లి రాంప్రసాద్‌రెడ్డిని హత్య చేసేందుకు పన్నిన కుట్రను పోలీసులు శనివారం భగ్నం చేశారు. పట్టణంలోని ఓ హోటల్‌లో ఈ కుట్రకు సంబంధించిన వ్యవహారం వెలుగులోకి వచ్చింది.
పోలీసులు వెంటనే రంగంలోకి దిగి, మారణాయుధాలు కలిగి ఉన్న అంతర్రాష్ట్ర రౌడీ ముఠాను అదుపులోకి తీసుకున్నారు. ఈ ఘటన రాయచోటిలో చర్చనీయాంశంగా మారింది.
మద్దనపల్లె రోడ్డులోని ఒక హోటల్‌ను ఈ కుట్రకు వేదికగా చేసుకున్నట్లు పోలీసులు గుర్తించారు. ఈ వ్యవహారంపై పోలీసులు లోతుగా దర్యాప్తు చేస్తున్నారు.
మంత్రి రాంప్రసాద్‌రెడ్డి హత్యకు పన్నిన కుట్రను ఛేదించడంతో పోలీసులు అప్రమత్తమయ్యారు. ఈ ఘటనకు సంబంధించిన పూర్తి వివరాలు త్వరలో వెల్లడి కానున్నాయి.