నల్గొండలో పోలీస్ ఉద్యోగాల కోసం సిద్ధమవుతున్న యువతకు బీఆర్ఎస్ గ్రాడ్యుయేట్ ఎమ్మెల్సీ అభ్యర్థి ఏనుగుల రాకేష్ రెడ్డి ఆర్థిక సహాయం అందించారు. వ్యాయామ పరికరాల కొనుగోలుకు రూ.10 వేలు అందజేశారు.
గత వారం ఎన్‌జీ కళాశాల మైదానంలో జరిగిన ఎమ్మెల్సీ ఓటరు నమోదు కార్యక్రమానికి రాకేష్ రెడ్డి హాజరయ్యారు. ఈ కార్యక్రమంలో మాజీ ఎమ్మెల్యే కంచర్ల భూపాల్ రెడ్డి కూడా పాల్గొన్నారు.
ఈ సందర్భంగా పోలీస్ ఉద్యోగార్థులు రాకేష్ రెడ్డిని కలిసి తమకు వ్యాయామ పరికరాలు కొనుగోలు చేయడానికి ఆర్థిక సాయం కావాలని విజ్ఞప్తి చేశారు. వారి విజ్ఞప్తిని మన్నించి రాకేష్ రెడ్డి వెంటనే స్పందించారు.
పోలీస్ ఉద్యోగాల కోసం కష్టపడుతున్న యువతకు అండగా ఉంటానని రాకేష్ రెడ్డి ఈ సందర్భంగా తెలిపారు. వారి శిక్షణకు అవసరమైన సహాయాన్ని అందిస్తానని హామీ ఇచ్చారు.
