గంజాయి, ఇతర మాదకద్రవ్యాల స్మగ్లింగ్‌ను అరికట్టేందుకు ఆంధ్రప్రదేశ్ డీజీపీ హరీష్‌కుమార్‌ గుప్తా కీలక నిర్ణయం తీసుకున్నారు. స్మగ్లర్లపై పిట్ ఎన్‌డీపీఎస్ చట్టాన్ని ప్రయోగిస్తున్నట్లు ఆయన తెలిపారు. ఈ చట్టం కింద ఇప్పటికే 225 మంది గంజాయి స్మగ్లర్లపై కేసులు నమోదు చేసినట్లు డీజీపీ వెల్లడించారు. రాష్ట్రంలో మాదకద్రవ్యాల రవాణాను పూర్తిగా నిర్మూలించడమే లక్ష్యంగా ఈ చర్యలు చేపట్టినట్లు ఆయన స్పష్టం చేశారు.