రాజస్థాన్‌లోని కోట జిల్లాలో ఢిల్లీ-ముంబై ఎక్స్‌ప్రెస్‌వేపై శనివారం తెల్లవారుజామున ఘోర రోడ్డు ప్రమాదం జరిగింది. సిమ్లియా పోలీస్ స్టేషన్ పరిధిలో మినీబస్సు లోయలో పడటంతో ఎనిమిది మంది మరణించారు, 17 మంది తీవ్రంగా గాయపడ్డారు.
ఈ ప్రమాదం ఉదయం 6:30 గంటల ప్రాంతంలో జరిగింది. బస్సు సుమారు 15 అడుగుల ఎత్తు నుంచి లోయలోకి పడిపోయింది. సమాచారం అందుకున్న వెంటనే పోలీసులు, సహాయక బృందాలు సంఘటనా స్థలానికి చేరుకున్నాయి.
అధికారులు తెలిపిన వివరాల ప్రకారం, ఈ బస్సు భోపాల్ నుంచి ఖాటు శ్యామ్ వెళ్తోంది. బస్సులో 25 మందికి పైగా ప్రయాణికులు ఉన్నారు.
పోలీసులు డ్రైవర్ నిద్రమత్తులో ఉండటం వల్లే ఈ ప్రమాదం జరిగిందని అనుమానిస్తున్నారు. గాయపడిన వారిని చికిత్స నిమిత్తం ఆసుపత్రికి తరలించారు.