నారాయణపేట జిల్లాలో గంజాయి విక్రయిస్తున్న ముగ్గురు నిందితులను పోలీసులు శనివారం అరెస్టు చేశారు. జిల్లా పోలీస్ కార్యాలయంలో ఎస్పీ వినీత్ మీడియా సమావేశం నిర్వహించి ఈ వివరాలను వెల్లడించారు.
మహారాష్ట్ర, కర్ణాటక రాష్ట్రాల నుండి గంజాయిని తీసుకువచ్చి నారాయణపేట సరిహద్దు ప్రాంతాలతో పాటు మక్తల్, మాగనూర్ వంటి ప్రాంతాలలో విక్రయిస్తున్న ముగ్గురు వ్యక్తులను పట్టుకున్నట్లు ఎస్పీ తెలిపారు.
నిందితుల నుండి 1.4 కిలోల గంజాయి, రూ. 60 వేల నగదును పోలీసులు స్వాధీనం చేసుకున్నారు. ఈ గంజాయి విలువ సుమారు రూ. 60 వేలు ఉంటుందని అంచనా.
గంజాయి విక్రయాలు, సేవనంపై కఠిన చర్యలు తీసుకుంటామని ఎస్పీ వినీత్ హెచ్చరించారు. యువత చెడు వ్యసనాలకు దూరంగా ఉండాలని ఆయన సూచించారు.