అమెరికాలో చదువుతున్న, ఉద్యోగం చేస్తున్న ఎంతో మంది తెలుగువారిపై ప్రభావం చూపగల మూడు ప్రతిపాదిత నిబంధనలపై ప్రజాభిప్రాయ గడువు ఈ వారమే ముగుస్తోంది. ఇవన్నీ డీహెచ్ఎస్ ప్రతిపాదనలు మాత్రమే; ఇంకా ఏదీ చట్టం కాలేదు.
1. ఓపీటీ ఫీజు (గడువు నవంబర్ 9)
- విద్యార్థిని తొలి ఓపీటీకి సిఫార్సు చేసే యూనివర్సిటీ $70,000, ఆ తర్వాత ప్రతి సిఫార్సుకు (స్టెమ్ ఎక్స్‌టెన్షన్‌తో సహా) $30,000 చెల్లించాలి.
- ఈ ఖర్చును విద్యాసంస్థలు విద్యార్థులు లేదా యజమానులపై మోపవచ్చని డీహెచ్ఎస్ అంచనా.
- తుది నిబంధన వచ్చిన 60 రోజుల తర్వాత అమల్లోకి వస్తుంది; ఇప్పటికే ఆమోదం పొందినవారికి వర్తించదు.
- 2024లో 1,94,554 మంది ఎఫ్–1 విద్యార్థులు ఓపీటీ పొందారు; 2023లో ఈ సంఖ్య 1,60,627.
2. 60 రోజుల గ్రేస్ పీరియడ్ రద్దు (గడువు నవంబర్ 10)
ఉద్యోగం పోయిన తర్వాత కొత్త ఉద్యోగం వెతుక్కోవడానికి ఇప్పుడు 60 రోజుల వరకు గడువు ఉంది. ప్రతిపాదన ప్రకారం ఉద్యోగం ముగిసిన మరుసటి రోజే స్టేటస్ పోతుంది. H-1B, L-1, O-1, TN, E వీసాదారులు, వారి కుటుంబ సభ్యులకు ఇది వర్తిస్తుంది.
3. గత ఆమోదాలకు విలువ ఉండదు (గడువు నవంబర్ 13)
అవే వివరాలతో గతంలో ఆమోదించిన దరఖాస్తును ఎక్స్‌టెన్షన్ సమయంలో యూఎస్‌సీఐఎస్ పరిగణనలోకి తీసుకోదు. దీనివల్ల ఏటా సుమారు 2,08,429 దరఖాస్తులపై ప్రభావం పడుతుందని, అదనంగా 6,044 ఆర్‌ఎఫ్‌ఈలు వస్తాయని రెమ్యునెన్స్ తెలిపింది.
