తెలంగాణ ఓవర్సీస్ మ్యాన్‌పవర్ కంపెనీ లిమిటెడ్ (టామ్‌కామ్) ఖతార్‌లో నర్సింగ్ నిపుణుల కోసం ఉపాధి అవకాశాలను ప్రకటించింది. విదేశాల్లో స్థిరపడాలనుకునే నర్సింగ్ అభ్యర్థులకు ఇది శుభవార్త.
కార్మిక, ఉపాధి, శిక్షణ, కర్మాగారాల శాఖకు చెందిన టామ్‌కామ్, హోమ్ కేర్ సేవలలో రోగులకు సంరక్షణ అందించేందుకు నర్సులను నియమించుకుంటోంది. లైసెన్స్డ్ ప్రాక్టీషనర్ నర్సులు, నర్స్ టెక్నీషియన్ల పోస్టులకు దరఖాస్తులు ఆహ్వానిస్తోంది.
ఈ ఉద్యోగాలకు 20 నుంచి 40 సంవత్సరాల మధ్య వయస్సున్న అభ్యర్థులు అర్హులు. వారికి సంబంధిత క్లినికల్ నైపుణ్యాలు, ఆంగ్లంలో చక్కటి సంభాషణ సామర్థ్యం ఉండాలి.
నర్స్ టెక్నీషియన్ పోస్టులకు కనీసం ఒక సంవత్సరం అనుభవం అవసరం. లైసెన్స్ పొందిన ప్రాక్టీషనర్ నర్సులకు కనీసం రెండు సంవత్సరాల అనుభవం ఉండాలి.
ఎంపికైన అభ్యర్థులకు వారి అర్హత, అనుభవాన్ని బట్టి ఆకర్షణీయమైన జీతాలు లభిస్తాయి. నెలకు రూ.95,000 వరకు జీతం పొందే అవకాశం ఉంది.
