వికారాబాద్ జిల్లా ఆర్మ్డ్ రిజర్వ్ హెడ్‌క్వార్టర్స్‌లోని బెల్ ఆఫ్ ఆర్మ్స్‌ను జిల్లా ఎస్పీ స్నేహ మెహ్రా, ఐపీఎస్, అక్టోబర్ 17న తనిఖీ చేశారు. వార్షిక తనిఖీలలో భాగంగా ఆమె ఈ పరిశీలన జరిపారు.
ఈ సందర్భంగా ఎస్పీ ఆయుధాల నిర్వహణ, భద్రతా ప్రమాణాలు, ఆయుధాల జారీ, స్వీకరణకు సంబంధించిన రికార్డులను క్షుణ్ణంగా పరిశీలించారు. అధికారులకు పలు ఆదేశాలు జారీ చేశారు.
ఆమె స్టాక్ లెడ్జర్, వీక్లీ క్లీనింగ్ రిజిస్టర్, అధికారులు, పీఎస్‌ఓలకు ఆయుధాల జారీ రిజిస్టర్ వంటి కీలక పత్రాలను తనిఖీ చేశారు. జారీ, స్వీకరణ వోచర్లు, గత తనిఖీల రికార్డులను కూడా పరిశీలించారు.
వార్షిక ఆయుధ తనిఖీ ఈ-05 బుక్, బేస్ రిపేర్ వర్క్‌షాప్ బుక్, మందుగుండు సామగ్రి స్టాక్ లెడ్జర్ వంటి రికార్డులను కూడా ఎస్పీ స్నేహ మెహ్రా పరిశీలించారు.
అనంతరం ఆమె మ్యాగజైన్ గదిని సందర్శించారు. అక్కడ భద్రపరిచిన ఆయుధాలు, మందుగుండు సామగ్రి వివరాలను స్వయంగా పరిశీలించి సంతృప్తి వ్యక్తం చేశారు.