స్థానిక సంస్థల ఎన్నికల నామినేషన్ల ప్రక్రియలో భాగంగా తిరుపతిలో వైఎస్సార్‌సీపీ మహిళా అభ్యర్థులపై దాడి జరిగింది. నామినేషన్లు వేసేందుకు వెళ్తున్న అభ్యర్థులను, వారి వెంట ఉన్న మహిళలను అడ్డుకుని దాడి చేశారు. ఈ దాడిలో కొందరు మహిళల దుస్తులు చించేశారు. ఈ ఘటన స్థానికంగా కలకలం రేపింది.
ఈ దాడిని వైఎస్సార్‌సీపీ ఖండించింది. ప్రజాస్వామ్యబద్ధంగా నామినేషన్లు వేసేందుకు వెళ్తున్న మహిళా అభ్యర్థులపై ఇలాంటి దాడులు జరగడం దురదృష్టకరమని పేర్కొంది. ఈ ఘటనపై పోలీసులు తక్షణమే చర్యలు తీసుకోవాలని, దాడికి పాల్పడిన వారిని గుర్తించి కఠినంగా శిక్షించాలని డిమాండ్ చేసింది. ఎన్నికల వాతావరణంలో శాంతిభద్రతలను కాపాడాలని కోరింది.