హైదరాబాద్ నగరంలో నీటిని వృథా చేస్తున్న వారిపై జలమండలి బోర్డు అధికారులు కఠిన చర్యలు తీసుకుంటున్నారు. ఈ చర్యలలో భాగంగా జూబ్లీహిల్స్‌లోని ఫోర్ ఫాదర్స్ పబ్‌కు రూ.20 వేల జరిమానా విధించారు.
నీటిని విపరీతంగా వృథా చేస్తున్నారనే కారణంతో జలమండలి ఈ చర్యలు చేపట్టింది. జరిమానాతో పాటు పబ్‌కు ఉన్న తాగునీటి కనెక్షన్‌ను కూడా అధికారులు తొలగించారు.
జలమండలి తీసుకున్న ఈ నిర్ణయంతో పబ్‌కు తాగునీటి సరఫరా పూర్తిగా నిలిచిపోయింది. భవిష్యత్తులో ఇలాంటి సంఘటనలు పునరావృతం కాకుండా ఉండేందుకు ఈ చర్యలు ఉపకరిస్తాయని అధికారులు తెలిపారు.
ఫోర్ ఫాదర్స్ పబ్‌కు కమర్షియల్ వాటర్ ట్యాంకర్ల సరఫరాను కూడా జలమండలి నిలిపివేసింది. నీటి వృథాను అరికట్టడంలో భాగంగా ఈ నిర్ణయం తీసుకున్నారు.
