దసరా పండుగ సందర్భంగా ప్రయాణికుల రద్దీని తగ్గించేందుకు తెలంగాణ రాష్ట్ర రోడ్డు రవాణా సంస్థ (టీఎస్‌ఆర్టీసీ) రాష్ట్రవ్యాప్తంగా సుమారు 7 వేల ప్రత్యేక బస్సులను నడపనున్నట్లు ప్రకటించింది.
ఈ ప్రత్యేక సర్వీసుల్లో టికెట్ ధరలు సాధారణ ఛార్జీల కంటే గరిష్ఠంగా 1.5 రెట్లు వరకు ఉండవచ్చని టీఎస్‌ఆర్టీసీ తెలిపింది. మహిళలకు అర్హత కలిగిన బస్సుల్లో మహాలక్ష్మి పథకం వర్తించనుంది.
హైదరాబాద్‌లోని ప్రధాన బస్ పాయింట్ల నుంచి ఈ ప్రత్యేక బస్సులు బయలుదేరతాయి. పండుగకు సొంతూళ్లకు వెళ్లే ప్రయాణికులతో బస్టాండ్లు కిటకిటలాడుతుంటాయి.
ముందస్తు బుకింగ్‌పై 30 మంది బృందానికి ప్రత్యేక బస్సు సదుపాయం కల్పించనున్నట్లు ఆర్టీసీ అధికారులు వెల్లడించారు. ప్రయాణికుల సౌకర్యార్థం ఈ ఏర్పాటు చేశారు.
