హైదరాబాద్: ఐపీఎల్ 2027 మినీ వేలానికి ముందే సన్‌రైజర్స్ హైదరాబాద్ తన బౌలింగ్ విభాగాన్ని మార్చుకుంటోంది. ఇప్పటివరకు ఖరారైన ఎనిమిది ట్రేడ్‌లలో ఆరింటిలో ఎస్‌ఆర్‌హెచ్ భాగమైంది. ఆటగాళ్ల రిటెన్షన్ జాబితాల గడువును నవంబర్ 17 వరకు పొడిగించారు. మినీ వేలం డిసెంబర్ 16న గోవాలో జరగనుంది.
జట్టులోకి
- టి.నటరాజన్ (ఢిల్లీ క్యాపిటల్స్ నుంచి): సవరించిన ఫీజు ₹5 కోట్లు. 2025 వేలంలో ఢిల్లీ ఆయనను ₹10.75 కోట్లకు కొనుగోలు చేసింది.
- ఖలీల్ అహ్మద్ (చెన్నై నుంచి): ₹4.8 కోట్లు. 2018–21 మధ్య ఎస్‌ఆర్‌హెచ్‌కే ఆడారు.
- నాథన్ ఎలిస్ (చెన్నై నుంచి): ₹2 కోట్లు
జట్టు నుంచి
- లియామ్ లివింగ్‌స్టోన్ చెన్నైకి: ₹6 కోట్లు (ఎస్‌ఆర్‌హెచ్ ఆయనకు ₹13 కోట్లు చెల్లించింది)
- జాక్ ఎడ్వర్డ్స్ చెన్నైకి: ₹3 కోట్లు
- లెగ్ స్పిన్నర్ జీషాన్ అన్సారీ ఢిల్లీకి: ₹40 లక్షలు
2020–24 మధ్య ఎస్‌ఆర్‌హెచ్ తరఫున 55 మ్యాచ్‌ల్లో 65 వికెట్లు తీసిన నటరాజన్, జట్టు తరఫున అత్యధిక వికెట్లు తీసిన వారిలో భువనేశ్వర్ కుమార్ (157), రషీద్ ఖాన్ (93) తర్వాత మూడో స్థానంలో ఉన్నారు. 2024లో 19 వికెట్లతో జట్టు ఫైనల్ చేరడంలో కీలకపాత్ర పోషించారు. గాయంతో 2026 సీజన్‌లో ఖలీల్ ఐదు మ్యాచ్‌లకే పరిమితమయ్యారు. నవంబర్ 17లోగా ఎస్‌ఆర్‌హెచ్ తన రిటెన్షన్ జాబితాను సమర్పించాల్సి ఉంది.
