హైదరాబాద్: దక్షిణాఫ్రికా పర్యటనకు భారత మహిళల జట్లను బీసీసీఐ ప్రకటించింది. ఒక టెస్ట్, మూడు వన్డేలు, మూడు టీ20ల ఈ పర్యటనలో మూడు ఫార్మాట్ల జట్లలోనూ కడపకు చెందిన లెఫ్ట్ ఆర్మ్ స్పిన్నర్ శ్రీ చరణికి స్థానం లభించింది. 2025 వన్డే ప్రపంచకప్ గెలిచిన జట్టులోనూ ఆమె సభ్యురాలు. హైదరాబాద్‌లో పుట్టిన పేసర్ అరుంధతి రెడ్డి టీ20 జట్టుకు ఎంపికైంది.
పర్యటన షెడ్యూల్
- టెస్ట్: డిసెంబర్ 9, గెబెహా
- వన్డేలు: డిసెంబర్ 16 పార్ల్, 19 కేప్‌టౌన్, 22 బ్లూమ్‌ఫొంటీన్
- టీ20లు: డిసెంబర్ 26 బెనోని, 29, 30 పోచెఫ్‌స్ట్రూమ్
మూడు జట్లకూ స్మృతి మంధాన నాయకత్వం వహిస్తుంది. టెస్ట్, వన్డే జట్లకు దీప్తి శర్మ, టీ20 జట్టుకు షఫాలీ వర్మ వైస్ కెప్టెన్లు. జెమీమా రోడ్రిగ్స్ మూడు ఫార్మాట్లలోనూ ఉంది. టెస్ట్, వన్డే జట్లలో 15 మంది చొప్పున, టీ20 జట్టులో 17 మంది ఉన్నారు.
టెస్ట్ జట్టు: స్మృతి మంధాన (కెప్టెన్), షఫాలీ వర్మ, ప్రతీకా రావల్, హర్మన్‌ప్రీత్ కౌర్, జెమీమా రోడ్రిగ్స్, హర్లీన్ డియోల్, రిచా ఘోష్ (వికెట్ కీపర్), యాస్తికా భాటియా (వికెట్ కీపర్), దీప్తి శర్మ (వైస్ కెప్టెన్), శ్రీ చరణి, స్నేహ్ రాణా, క్రాంతి గౌడ్, నందిని శర్మ, జింటిమణి కలితా, సయాలీ సత్‌ఘరే.
