తెలంగాణకు చెందిన పారా త్రోబాల్ క్రీడాకారుడు గడిపెల్లి ప్రశాంత్ భారత జట్టు కెప్టెన్‌గా ఎంపికయ్యారు. శ్రీలంకలోని రత్నపుర ఇండోర్ స్టేడియంలో నవంబర్ 19 నుంచి 23 వరకు జరిగే 2వ దక్షిణాసియా పారా త్రోబాల్ చాంపియన్‌షిప్-2026లో ఆయన జట్టును నడిపిస్తారు.
ప్రశాంత్ ప్రస్థానం
- మొదటి, రెండో ఆసియా చాంపియన్‌షిప్‌లలో కెప్టెన్‌గా భారత్‌కు కాంస్య పతకాలు అందించారు.
- ఇప్పటివరకు నాలుగు అంతర్జాతీయ పారా త్రోబాల్ టోర్నీల్లో ఆడారు.
- అంతర్జాతీయ స్థాయిలో భారత్‌కు కెప్టెన్‌గా ఉండటం ఇది మూడోసారి.
- స్పోర్ట్స్ కోటాలో ముంబై ఆదాయపు పన్ను శాఖలో ట్యాక్స్ అసిస్టెంట్‌గా పనిచేస్తున్నారు.
పారా త్రోబాల్ ఫెడరేషన్ ఆఫ్ ఇండియా వ్యవస్థాపకుడు డాక్టర్ ఆల్బర్ట్ ప్రేమ్ కుమార్ ఆయనను కెప్టెన్‌గా ఎంపిక చేశారు. తెలంగాణ స్పోర్ట్స్ అసోసియేషన్, కోచ్ సింగరపు బాబు ఆయనకు అభినందనలు తెలిపారు. జట్టులోని ఇతర సభ్యుల వివరాలు ఇంకా వెల్లడి కాలేదు.
